“Azərbaycan Respublikasında məhkəmə ekspertizası sahəsinin inkişafına dair 2026 — 2030-cu illər üçün Konsepsiya”nın təsdiq edilməsi haqqında” Prezidentin Sərəncamının icrasının təmin edilməsi məqsədilə Azərbaycan Respublikasının Nazirlər Kabineti tərəfindən müvafiq Sərəncam imzalanıb.

Sərəncama əsasən, Konsepsiyada nəzərdə tutulan tədbirlərin icrası ilə bağlı aidiyyəti dövlət qurumlarına konkret tapşırıqlar verilib, icra müddətləri müəyyənləşdirilib. Ədliyyə Nazirliyi əsas icraçı qurum kimi bir sıra yarımbəndlər üzrə təklifləri Nazirlər Kabinetinə təqdim edəcək.

Baş nazirin sərəncamı ilə İqtisadi İslahatların Təhlili və Kommunikasiya Mərkəzinə (İİTKM) Konsepsiyanın icrasının monitorinqi və qiymətləndirilməsi məqsədilə Vahid Elektron Hesabatlılıq Portalı çərçivəsində xüsusi modulun yaradılması tapşırılıb. Monitorinq nəticələri üzrə illik hesabatlar Nazirlər Kabinetinə təqdim olunacaq.