“Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın (bundan sonra- Strategiya) təsdiq edilməsi haqqında Azərbaycan Respublikasının Prezidentinin 2022-ci il 22 iyul tarixli 3378 nömrəli Sərəcamının 4-cü bəndinə əsasən  Strategiyada nəzərdə tutulmuş tədbirlərin icrasının monitorinq və qiymətləndirilməsi İqtisadi İslahatların Təhlili və Kommunikasiya Mərkəzinə (bundan sonra-Mərkəz) tapşırılmışdır. 2022-ci il 12 iyun tarixli 487s nömrəli Sərəncamının 2-ci bəndinə uyğun olaraq Strategiyada nəzərdə tutulmuş tədbirlərin  tam, vaxtında və effektiv icrasını təmin etmək məqsədilə işçi qruplar formalaşdırılmışdır.  Strategiyanın təsdiq edilməsi haqqında Azərbaycan Respublikasının Prezidentinin 2022-ci il 22 iyul tarixli 3378 nömrəli Sərəcamının icrasının təmin edilməsi ilə bağlı  əlavə tədbirlər və Azərbaycan Respublikasının Nazirlər Kabinetinin 2022-ci il 2 avqust tarixli 453s nömrəli Sərəncamında dəyişiklik edilməsi haqqında” Azərbaycan Respublikasının Nazirlər Kabinetinin 2023-cü il 12 iyun tarixli 487s nömrəli Sərəncamının 3.1 bəndinə əsasən, Strategiyada nəzərdə tutulmuş tədbirlərin icrası üzrə işlərin gedişatına nəzarətin effektivliyinin təmin edilməsi məqsədilə “Azərbaycan Respublikasının 2022–2026-cı illərdə sosial-iqtisadi inkişaf Strategiyasının monitorinq və qiymətləndirmə Portalı” yaradılmışdır. Azərbaycan Respublikasının Nazirlər Kabinetinin Dövlət Proqramının monitorinqi və qiymətləndirilməsi Azərbaycan Respublikasının Prezidentinin 2021-ci il 6 mart tarixli 1294 nömrəli Fərmanı ilə təsdiq edilmiş “Dövlət Proqramlarının tərtibi, icrası, monitorinqi və qiymətləndirilməsi” Qaydası və Azərbaycan Respublikasının Nazirlər Kabinetinin 2023-cü il 12 iyun tarixli 487s nömrəli Sərəncamı ilə təsdiq edilmiş “Strategiyanın monitorinq və qiymətləndirməsinin əsas prinsiplərinə dair Metodoloji Çərçivə” yə uyğun olaraq həyata keçirilir.