Azərbaycan Respublikasının Prezidenti İlham Əliyev “Azərbaycan Mədəniyyəti - 2040” Azərbaycan Respublikasının Mədəniyyət Konsepsiyası”nın təsdiq edilməsi haqqında Sərəncam imzalayıb.

Sərəncam milli-mənəvi dəyərlərin qorunmasını təmin edən müasir mədəniyyət modelinin formalaşdırılması, habelə mədəniyyət sahəsində sistemli və dayanıqlı inkişafın təmin edilməsi məqsədilə qəbul edilib.

Konsepsiyada nəzərdə tutulan tədbirlərin əlaqələndirilməsi Azərbaycan Respublikasının Mədəniyyət Nazirliyinə həvalə edilib. Nazirlik eyni zamanda Konsepsiyanın icra vəziyyəti barədə ildə bir dəfə Azərbaycan Respublikasının Prezidentinə məlumat təqdim edəcək.

Konsepsiya çərçivəsində tədbirlərin icrasının monitorinqi və qiymətləndirilməsi Azərbaycan Respublikası Mədəniyyət Nazirliyinin sifarişi əsasında İqtisadi İslahatların Təhlili və Kommunikasiya Mərkəzi tərəfindən həyata keçiriləcək.

Ətraflı: “Azərbaycan Mədəniyyəti - 2040” Azərbaycan Respublikasının Mədəniyyət Konsepsiyası”nın təsdiq edilməsi haqqında Sərəncam