Azərbaycan Respublikası Prezidentinin “Azərbaycan Mədəniyyəti – 2040” Azərbaycan Respublikasının Mədəniyyət Konsepsiyası”nın təsdiq edilməsi haqqında” Sərəncamının icrasını təmin etmək məqsədilə bir sıra mühüm tədbirlər müəyyən edilib. Bununla bağlı Baş nazir Sərəncam imzalayıb.

Sərəncamla Azərbaycan Respublikasının Mədəniyyət Nazirliyinə, İqtisadiyyat Nazirliyinə, Xarici İşlər Nazirliyinə və digər aidiyyəti dövlət orqanlarına müxtəlif tədbirlər üzrə təkliflər hazırlamaq və onları Nazirlər Kabinetinə təqdim etmək tapşırığı verilib.

İqtisadi İslahatların Təhlili və Kommunikasiya Mərkəzinə “Azərbaycan Mədəniyyəti – 2040” Azərbaycan Respublikasının Mədəniyyət Konsepsiyası”nın icrasının monitorinqi və hesabatlılıq modulu”nun Mərkəz tərəfindən hazırlanmış Vahid Elektron Hesabatlılıq Portalı çərçivəsində formalaşdırılması tapşırılıb.