“Azərbaycan Respublikasının 2022–2026-cı illərdə sosial-iqtisadi inkişaf Strategiyası” çərçivəsində 2025-ci il üzrə nəzərdə tutulan hədəflərin icrasının nəticələri ilə bağlı işçi qrupların iclasları keçirilib.

İclaslarda İqtisadi İslahatların Təhlili və Kommunikasiya Mərkəzi tərəfindən aparılmış monitorinq və qiymətləndirmə nəticələrinə dair hesabatlar müzakirə olunub.

Strategiyada nəzərdə tutulmuş tədbirlərin tam, vaxtında və effektiv icrasının təmin edilməsi, eləcə də aidiyyəti dövlət orqanlarının fəaliyyətlərinin əlaqələndirilməsi məqsədilə 8 İşçi qrup fəaliyyət göstərir: "Sağlam həyat tərzi","İnklüziv sosial inkişaf və sosial təminat", "Makroiqtisadi dayanıqlılıq", "İqtisadi artım", "Ekoloji məsələlər", "Yaşıl enerji məkanı", "İnnovasiya", "İnsan kapitalı və təhsil"